លោក ភោគ សាវុធ អភិបាល នៃគណៈអភិបាលស្រុកកងមាស បានអញ្ជើញដឹកនាំកិច្ចប្រជុំពិភាក្សាពាក់ព័ន្ធការងារពង្រីកបណ្តាញទឹកស្អាត និងបណ្តាញអគ្គិសនី ដើម្បីធានាការផ្គត់ផ្គង់សេវាជូនប្រជាពលរដ្ឋឱ្យបានប្រើប្រាស់គ្រប់ខ្នងផ្ទះ នៅទូទាំងឃុំទាំង១១

 

ខេត្តកំពង់ចាម:នាព្រឹកថ្ងៃព្រហស្បតិ៍ ១០រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៩ ខែកក្កដា ឆ្នាំ២០២៦ លោក ភោគ សាវុធ អភិបាល នៃគណៈអភិបាលស្រុកកងមាស បានដឹកនាំកិច្ចប្រជុំពិភាក្សាពាក់ព័ន្ធការងារពង្រីកបណ្តាញទឹកស្អាត និងបណ្តាញអគ្គិសនី ដើម្បីធានាការផ្គត់ផ្គង់សេវាជូនប្រជាពលរដ្ឋឱ្យបានប្រើប្រាស់គ្រប់ខ្នងផ្ទះ នៅទូទាំងឃុំទាំង១១ នៃស្រុកកងមាស។

កិច្ចប្រជុំនេះមានគោលបំណងពិនិត្យវឌ្ឍនភាពការងារ កំណត់បញ្ហាប្រឈម និងដាក់ចេញនូវដំណោះស្រាយជាក់ស្តែង ដើម្បីជំរុញការពង្រីកបណ្តាញទឹកស្អាត និងអគ្គិសនីឱ្យបានទាន់ពេលវេលា ស្របតាមគោលនយោបាយរបស់រាជរដ្ឋាភិបាល ក្នុងការលើកកម្ពស់គុណភាពជីវភាព និងសុខុមាលភាពរបស់ប្រជាពលរដ្ឋ។